बिर्तामोड । 

नेपालकै चर्चीत रियालिटी शो ‘भ्वाइस अफ नेपाल’ सिजन–६ का प्रतियोगी प्रमेश  राईलाई भोट गर्न आग्रह गरिएको छ । इलामको रोङ गाउँपालिकाका उदयमान गायक प्रमेश राई भ्वाइस अफ नेपाल सिजन ६ को भोटिङ राउण्डमा प्रवेश गर्न सफल भएसँगै उनलाई भोट गर्न आग्रह गरिएको छ । 

प्रमेश राई जिताऔं अभियानले आज (आइतवार) बिर्तामोडमा पत्रकार सम्मेलन गरी सवैमा भोट गरिदिन आग्रह गरेको हो ।  रोङ गाउँपालिकका अध्यक्ष मणिकुमार सायङ्वो (सुवास) को अध्यक्षतामा भएको पत्रकार सम्मेलनमा टप १२ अर्थात भोटिङ राउण्डमा प्रवेश गरेका राईलाई भोट गरिदिन आग्रह गरिएको छ ।

पत्रकार सम्मेलनमै प्रमेशले आफ्नो गायन प्रस्तुतीसमेत प्रस्तुत गरेका थिए । पत्रकार सम्मेलनमा रोङ गाउँपालिकाकी उपाध्यक्ष बिष्णुमाया भुजेल, बरिष्ठ गीतकार तथा संगीतकार शिवशंकर थापा, संगीतकार कृष्ण योन्जनलगायत बिभिन्न संघ/संस्थाका प्रमुख तथा प्रतिनिधिहरुको बाक्लो उपस्थिति रहेको थियो । पत्रकारका सम्मेलनको सहजीकरण संगीतकार दीपक रायमाझीले गरेका थिए । 

उनलाई भोट गर्न नेपालबाट र नेपाल बाहिरबाट खल्ति एप्स डाउनलोड गरी भोटिङ सेक्सनमा गई टिम राजु भित्र प्रमेश राईको फोटोमा क्लिक गरी जति पनि भोट गर्न सकिने पत्रकार सम्मेलनमा बताइएको छ । यस्तै क्यूआरको माध्यमबाट पनि भोट गर्न सकिनेछ ।