लक्ष्मीपुर । 

कोशी प्रदेशकै सवै भन्दा ठूलो गायन रियालिटी शो ‘पूर्वाञ्चल गट ट्यालेन्ट सिजन’ ६ को फाइनल राउण्डमा पुग्न सफल दिनेश भारतीलाई भोटिङ गरिदिन आग्रह गरिएको छ । 

फाइनल राउण्ड अर्थात टप ५ मा पर्न सफल पाँचथरको याङवरक गाउँपालिका–६ का दिनेश भारतीलाई  भोट गरिदिन भारती बन्धु एकता समाज र नेपाल दशनामी समाजले सवैमा आग्रह गरेको छन् । 

गत भदौ महिनाको पहिलो हप्ताबाट शुरु भएको गायन रियालिटी शोमा कोशी प्रदेशका १४ वटै जिल्लाका ५७० जनावढी प्रतियोगीहरुले सहभागीता जनाएका थिए । प्रतिस्पर्धीहरुलाई पछि पार्दै भारती टप ४५०, ३००, २००, १५०, ७५  हुँदै टप ४० सँगै भोटिङ राउण्डमा प्रवेश गरेका थिए ।  

फाइनल राउण्डमा प्रवेश गर्न सफल दिनेशलाई भोट गरिदिन सम्पूर्ण दशनामी बन्धु, भारती बन्धु साथै सम्पूर्णमा का भारती बन्धु एकता समाजका केन्द्रिय अध्यक्ष उमेश भारतीले सवैमा आग्रह गरेका छन् । 

दिनेशले यसअघि सुन् २०१० मा भएको मलेशिया आयडलमा प्रथम स्थान हासिल समेत गरेको उनले बताए । उनलाई भोटीङ गर्न चाहानेले यहाँ दिइएको क्यूआरलाई स्क्यान गरेर गर्न सकिनेछ । 

टप ४० बाट शुरु भएको भोटीङ राउण्ड हाल टप ५ अर्थात फाइनल राउण्डमा प्रवेश भएको बताइएको छ ।  उनको गायन प्रस्तुती हेर्नलाई पूर्वाञ्चल गट ट्यालेन्टको लिंकमा गएर पनि हेर्न सकिनेछ ।

१५ बर्षअघिदेखि गायन क्षेत्रलाई निरन्तरता दिदै आएका दिनेशले दुई वटा एल्बम पनि बजारमा ल्याएको बताएका छन् । पहिलो पर्मिशन र दोस्रो सहारा नामक एल्बमका गीतहरु युट्व च्यानलमा गएर हेर्न सकिनेछ । ‘पूर्वाञ्चल गट ट्यालेन्ट सिजन’ ६ को ग्राण्ड फिनाले फागुन महिना भित्रमा धनकुटाको टुडिखेलमा हुने बताइको छ । उक्त गायन रियालिटी शोमा विश्वभरका नेपाली बरिष्ठ गायक तथा संगीतकार, राष्ट्रिय कालकारहरुको उपस्थिति रहने बताइएको छ ।