झापा । 

झापाको बुद्धशान्तिमा भएको सवारी दुर्घटनामा एक महिलाको मृत्यु भएको छ भने तीन जना घाइते भएका छन् । मेचीराजमार्ग अन्तरगत चारआलीबाट इलाम तर्फ जाँदै गरेको  प्र १–०१–००१ ज ३८५१ नम्बरको बोलेरो गाडी र  विपरित दिशाबाट आउदै प्र–१–०१–००२ ह ३६३ नम्बरको अट्टो आज बिहान एक आपसमा ठक्कर खाँदा उक्त दुर्घटना भएको हो । 

दुर्घटनामा अट्टोमा सवार बुद्धशान्ति–४ की २७ वर्षीया अमृता तामाङको मृत्यु भएको जिल्ला ट्राफिक प्रहरी कार्यालय झापाका प्रमुख गणेश पौडेलले जानकारी दिए ।

दुर्घटनामा बलेरो चालक मेचीनगर–१२ का ४० वर्षीय को दिलकुमार थामी,अट्टोमा सवार  बुद्धशान्ति – ४ की २१ वर्षाीया कृतिका तामाङ, सोही ठाँउकी ४१ वर्षीया मन्जु तामाङ घाइते भएका छन् । उनीहरुलाई उपचारका लागि  सिटी अस्पताल बुधबारेमा पठाइएको र सबैको अबस्था सामान्य रहेको प्रहरीले जनाएको छ ।

प्रहरीले अट्टो चालक बुद्धशान्ति– ४ का  ५३ वर्षीय अजय मोक्तानलाई नियन्त्रणमा लिइएको प्रहरीले जनाएको छ ।