लक्ष्मीपुर । 

कोशी प्रदेशकै सवै भन्दा ठूलो गायन रियालिटी शो ‘पूर्वाञ्चल गट ट्यालेन्ट सिजन’ ६ को टप ३० मा पर्न सफल पाँचथरको याङवरक गाउँपालिका–६ का दिनेश भारतीलाई भोटिङ गरिदिन भारती बन्धु एकता समाजले सवैमा आग्रह गरेको छ । 

गत भदौ महिनाको पहिलो हप्ताबाट शुरु भएको गायन रियालिटी शोमा कोशी प्रदेशका १४ वटै जिल्लाका चार सय जना प्रतियोगीहरुले सहभागीता जनाएका थिए । उनीहरुलाई पछि पार्दै टप ३० मा पर्न सफल दिनेशलाई भोट गरिदिन सम्पूर्ण दशनामी बन्धु, भारती बन्धु साथै सम्पूर्णमा का भारती बन्धु एकता समाजका केन्द्रिय अध्यक्ष उमेश भारतीले सवैमा आग्रह गरेका हुन् । 

दिनेशले यसअघि सुन् २०१० मा भएको मलेशिया आयडलमा प्रथम स्थान हासिल समेत गरेको उनले बताए । उनलाई भोटीङ गर्न चाहानेले यहाँ दिइएको क्यूआरलाई स्क्यान गरेर गर्न सकिनेछ । 

टप ४० बाट शुरु भएको भोटीङ राउण्ड हाल टप २० का लागि भइरहेको बताइएको छ ।  उनको गायन प्रस्तुती हेर्नलाई पूर्वाञ्चल गट ट्यालेन्टको लिंकमा गएर हेर्न सकिनेछ ।

१५ बर्षअघिदेखि गायन क्षेत्रमा निरन्तरता दिदै आएका दिनेशले दुई वटा एल्बम पनि बजारमा ल्याएको बताए । पहिलो पर्मिशन र दोस्रो सहारा नामम एल्बमका गीतहरु युट्व च्यानलमा गएर हेर्न सकिनेछ । ‘पूर्वाञ्चल गट ट्यालेन्ट सिजन’ ६ को ग्राण्ड फिनाले आगामी फागुन १० गते धनकुटाको टुडिखेलमा हुँदैछ ।