झापा । 

झापा गाउँपालिका वडा नम्बर ६ पुष्पाञ्जली टोलकी ८३ बर्षिया फुलमाया मुर्मुलाई हत्या गरेको आरोपमा दुई जनालाई प्रहरीले पक्राउ गरेको छ । झापा गाउँपालिका–७ का २८ बर्षिय अजय यादव र शिवसताक्षी नगरपालिका –७ का २४ बर्षिय अशोक यादवलाई प्रहरीले पक्राउ गरेको हो । 

बृद्धा फुलमाया मृत अवस्थामा रहेको भन्ने शनिवार ४ः३० बजेको समयमा जानकारी प्राप्त हुना साथ जिल्ला प्रहरी कार्यालय झापा तथा मातहत समेतबाट खटिएको प्रहरी टोलीले अनुसन्धान शुरु गरेको थियो ।

नेपाल प्रदेश प्रहरी कार्यालय केनाइन शाखा धरानबाट आएको म्यन सहितको टोलीको सहयोगमा अनुसन्धान गर्ने क्रममा मृत महिलाको टाउको र चिउडोमा प्रहार गरी कर्तव्य गरी मार्न प्रयोग भएको कलको ह्याण्डिल र फरुवा सहित वारदात पश्चात फरार रहेका उनीहरुलाई पक्राउ गरिएको हो । 

प्रतिबादीहरुलाई खोजतलासको क्रममा वारदात स्थलबाट लुटिएको एक थान कलर मोबाइल र एउटा साइकलसहित झापा गाउँपालिका–७ मदरगाछबाट पक्राउ गरीएको प्रहरीले जनाएको छ । पक्राउ गरिएका उनीहरुलाई जिल्ला प्रहरी कार्यालय झापामा राखेर सो सम्बन्धमा थप अनुसन्धान भइरहेको प्रहरीले जनाएको छ ।