झापा । 

झापाको मेचीनगर नगरपालिका वडा नम्बर ६ पुरानो मेचीपुलबाट प्रतिबन्धित लागू औषधसहित एक जनालाई प्रहरीले पक्राउ गरेको छ । आज (शनिवार) दिउँसो ३ः३० बजेको समयमा प्रहरीले ती ब्यक्तिलाई पक्राउ गरेको हो । 

पक्राउ पर्नेमा भारतको सिक्किम, सिंगेथान घर भई हाल मोरङको पथरी शनिश्चरे नगरपालिका–८ का २१ बर्षिय बिक्रम क्षेत्री छन् । लागुऔषध नियन्त्रण व्युरो काँकरभिट्टाबाट खटिएको प्रहरी टोलीले भारतबाट सिटी रिक्सामा नेपालतर्फ आउँदैं गरेका उनलाई नियन्त्रणमा लिएको हो । 

क्षेत्रीलाई शंका लागेर चेकजाँच गर्दा प्लाष्टिकमा पोका पारी मलद्धारमा राखी लुकाई छिपाई ल्याउँदैं गरेको अवस्थामा खैरो हेरोइन प्लाष्टिक बाहेक १० ग्राम फेला परेको प्रहरीले जनाएको छ । 

उक्त लागु–औषधसहित उनलाई नियन्त्रणमा लिई इलाका प्रहरी कार्यालय काँकरभिट्टामा राखेर थप अनुसन्धान भइरहेको जिल्ला प्रहरी कार्यालय झापाले जनाएको छ ।