झापा ।  

झापाको मेचीनगर नगरपालिका वडा नम्बर ६ स्थित पुरानो मेचीपुलबाट गएराति लागू औषधसहित एक जना पक्राउ परेका छन् । शुक्रबार राति ८ः३० बजेको समयमा प्रहरी टोलीले भारतको पानीटंकीबाट भाडाको सिटी सफारीमा चढेर काँकरभिट्टातर्फ आउँदै गरेका शिवसताक्षी नगरपालिका वडा न. ८ का  ३८ बर्षिय छबिलाल गुरुङलाई पक्राउ गरेको हो । 

गुरुङलाई शंकास्पद अवस्थामा फेला पारी सोधपुछ तथा तलासी लिदा मलद्धार भित्र लागू औषध खैरो हेरोइन फेला परेको थियो । उनको साथबाट खैरो हेरोइन फेला परेसँगै प्रहरीले नियन्त्रणमा लिएको हो । 

गुरुङको साथबाट प्लाष्टिक बाहेक २ ग्राम ४३० मिलिग्राम खैरो हेरोइन फेला परेको प्रहरीले जनाएको छ । उनलाई नियन्त्रणमा लिई आवश्यक कारवाहीको लागि इलाका प्रहरी कार्यालय काँकरभिट्टामा ल्याएर सो सम्बन्धमा थप अनुसन्धान कार्य भईरहेको जिल्ला प्रहरी कार्यालय झापाले जनाएको छ ।