अर्जुनधारा । 

 झापा क्षेत्र नं. २ को पछिल्लो मतगणना अनुसार नेकपा एमालेका उम्मेद्वार देबराज घिमिरेले ७३७ मतले अग्रता कायम गरेका छन् । १५६४३ मत गणना हुँदा ८७३ मत बदर भएको छ भने १४७७० मत सदर भएको झापा क्षेत्र नं. २ निर्वाचन अधिकृतको कार्यालयले जनाएको छ । 

 घिमिरेले ५३७१ मत प्राप्त गर्दा उनका प्रतिस्पर्धी स्वतन्त्र उम्मेद्वार भद्रप्रसाद नेपालले ४६३४ मत प्राप्त गरेर पछ्याई रहेका छन्  । त्यस्तै गठबन्धनका तर्फबाट साझा उम्मेद्वार हरिकुमार रानाले २६५४ मत प्राप्त गरेका छन् । त्यसैगरी राष्ट्रिय स्वतन्त्र पार्टीका तर्फबाट उम्मेद्वार बनेका रुद्रप्रसाद गिरीले १४३० मत प्राप्त गरेका छन् । 

झापा क्षेत्र नं. २ प्रदेश  (१) का नेकपा एमालेका तर्फबाट उम्मेद्वार बनेका एकराज कार्की १९३४ मत प्राप्त गर्दा गठबन्धनका तर्फबाट साझा उम्मेद्वार पुष्पराज पोखरेलले ४६७ मत प्राप्त गरेका छन् । प्रदेश २ अन्तरगत जम्मा ४०४१ मत गणना भएको जनाइएको छ ।