झापा । 

हाँस्य कलाकार विल्सिन विक्रम राई ‘तक्मे बुढा’ पछिल्लो समय नेकपा एमालेको चुनावी अभियानमा व्यस्तरहेका छन् । स्थानीय तहको निर्वाचन मिति नजिकिएसँगै नेकपा एमालेले बिर्तामोड र अर्जुनधारा नगरपालिकामा आयोजना गरेको चुनावी कोणसभामा ‘तक्मे बुढा’ले प्रस्तुतीसहित एमालेका उम्मेद्वार भोट हाल्नु सवैलाई आग्रह गर्दै आएका छन् । उनले खुलेरै एमालेका उम्मेदवारहरुलाई भोट माग्दै मागेका छन् । 

केहि दिन अघिदेखि अर्जुनधारा नगरपालिकामा नेकपा एमालेको तर्फबाट नगरप्रमुख पदको उम्मेदवार बलदेव गोम्देन तामाङको चुनावी कोणसभामा प्रस्तुतीसहित मतदातालाई भोट मागेका थिए भने  ‘तक्मे बुढा’ले बिर्तामोडको चुनावी कोणसभामा प्रस्तुती दिदै भोट मागेका हुन् । 

उनले बिर्तामोडमा नेकपा एमालेको तर्फबाट नगरप्रमुखको उम्मेदवार पवित्रा महतारा प्रसाईलाई मत दिएर जिताउन सबैलाई आग्रह गरेका छन् । 

तक्मे बुढाले ‘उपमेयर हुँदा काम गरिन फेयर, यसपालीको चुनावमा पवित्रालाई बनाउनु पर्छ मेयर’भन्ने गीत मार्फत पनि भोटको अपील गरेका थिए । ‘तक्मे बुढा’ले भोट के मा ? भनेर नारा लगाउँदा सयौँको संख्यामा भेला भएकाहरुले सूर्यमा भनेर थिए ।

हाँस्य कलाकार तक्मे बुढाले बिर्तामोडको हर्चना र वडा नम्बर ९को कञ्चनटोलमा प्रस्तुती दिएका हुन् ।  बिर्तामोड कलाकार तक्मे बुढाको गृहनगर पनि हो ।