हल्दीबारी । 

नेपाली कांग्रेस हल्दिवारीले चुनावी प्रचार–प्रसारमा घरदैलो कार्यक्रमलाई तिव्रता दिएको छ । पाँचैवटा वडाहरूमा उम्मेद्वारसहित नेता तथा कार्यकर्ताहरूको उल्लेखिय उपस्थिति रहेकोले पनि जनताहरूले यसपाली कांग्रेसको सरकार बनाउन चाहेको हल्दिवारी गाउँपालिका नेपाली कांग्रेसका उपसभापति एवम् वडा नं ४ का वडाध्यक्षका उम्मेद्वार होम चुडालको भनाई रहेको छ।

 वडा नं २ का वडाध्यक्षका उम्मेद्वार कृष्णप्रसाद प्रसाईले आफूले जितेको खण्डमा जनताको हितविपरीत कुनै काम नगर्ने भन्दै भोट दिन अपिल गरेका छन् । 

वडा नं १ मा रत्नबहादुर अधिकारी सहितको टिम चुनावी मैदानमा रहेको छ भने वडा ३ मा ईन्द्रबहादुर वन सहितका उम्मेद्वार घरदैलोमा छन्। अघिल्लो निर्वाचनमा झिनो मतले हार ब्यहोरेका खड्ग लावती यसपाली जित हासिल गरि समग्र हल्दिवारी ५ को विकास मा आफ्नो देन दिन लागिपरेका छन् ।

गाउँपालिका अध्यक्षका उम्मेद्वार तुलसीप्रसाद ओलीले आफ्नो नेतृत्वको सवै टिम युवा भएकोले पनि एकपटक अवसर दिन हल्दिवारीवासीसँग अनुरोध गरेका छन् ।