शिवसताक्षी । 

नेपाल कम्युनिष्ट पार्टी (एकिकृत समाजवादी) ले नविन इजमको अध्यक्षतामा ७५ सदस्यीय  शिवसताक्षी नगर कमिटी निर्माण गरेको छ । नेपाल कम्युनिष्ट पार्टी (एकिकृत समाजवादी) का केन्द्रिय सचिव तथा १ नम्बर प्रदेश सम्सदियदलका नेता रोजेन्द्र राईको प्रमुख आतिथ्यमा मंगलवार नगर कमिटी चयन गरिएको हो ।

सोहि कार्यक्रमका वीच विनोद चेम्जोङको अध्यक्षतामा १ सय ५ सदस्यीय यूवा संघ नगर कमिटीसमेत घोषणा भएको थियो । कार्यक्रममा उनीहरुलाई सपथसमेत खुवाइएको थियो । 

कार्यक्रममा प्रमुख अतिथि राईले महाभारतको उदाहरण दिदै केपी ओलिले आफ्नै घरमा आगो लगाएपछि घर छोड्न बाध्य भएको बताए । प्रदेश नं. १ का मुख्यमन्त्रीका दावेदारका रुपमा रहेका राईले नेकपा एकीकृत समाज पार्टीले गति लिइसकेकोे बताए । 

कार्यक्रममा पार्टीका प्रदेश नं. १ कमिटी सदस्य लोकबन्धु कन्दङ्वा, जिल्ला अध्यक्ष बेदराज रेग्मीलगायतले शुभकामना मन्तव्य राखेका थिए । जिल्ला अध्यक्ष रेग्मीले नगर कमिटी घोषणा गरेका थिए । 

कार्यक्रममा नगरका ५ सय वढी पार्टीका नेता तथा कार्यकर्ताको सहभागीता रहेको नेकपा (एकीकृत समाजवादी) जिल्ला प्रचार बिभाग प्रमुख तिर्थ सिग्देलले जानकारी दिए । भोली  भद्रपुर नगरमा पनि कमिटी निर्माण गरिने जनाइएको छ ।