काठमाडौं ।
फिल्म ‘लाइफ इन एलए’ को पहिलो गीत सार्वजनिक भएको छ । निर्माण टिमले फिल्ममा समावेश ‘पागल प्रेमी’ बोलको रोमान्टिक गीत सार्वजनिक गरिएको हो । गीतमा प्रताप दास र कविता श्रेष्ठको स्वर रहेको छ भने गीतको शब्द सुन्दर पन्थको र संगीत एलिस कार्कीको छ ।

गीतको भिडियोमा नव–अभिनेता ब्यास बिस्सुले अभिनेत्री शिल्पा मास्के र अकेशा विस्टसँग रोमान्स गरेका छन् । त्रिकोणात्मक प्रेमकथामा आधारित भएर निर्माण भएको फिल्मलाई नेपाल र अमेरिकामा छायङ्कन गरिएको हो । फिल्म अमेरिकामा बस्ने नेपालीको संघर्ष र सफलताको कथामा आधारित भएको निर्देशक श्रेष्ठले बताए ।
फिल्ममा गौरव पहारी, बुद्धि तामाङ, प्रकाश घिमिरे, लोकेन्द्र लेखक, प्रविन खत्रीका साथै अमेरिकाका कलाकार जारेड बिलप्स, साम भुजेल, जयन्द्र चिलुवाल लगायतको पनि अभिनय छ । फिल्मलाई दशैंमा रिलिज गर्ने तयारी गरिएको छ ।
फिल्म ‘लाइफ इन एलए’ को पहिलो गीत सार्वजनिक