हल्दीवारी । 

झापाको हल्दीबारी गाउँपालिका–३ मा अवस्थित चिल्ड्रेन गार्डेन अङ्ग्रेजी माध्यमिक विद्यालयका पूर्व विद्यार्थीहरू संगठित भएका छन्।विद्यालयद्वारा आयोजित पूर्व विद्यार्थी पुनर्मिलन तथा भेटघाट कार्यक्रमपछि अभिषेक खतिवडाको अध्यक्षतामा ११ सदस्यीय तदर्थ समिति सर्वसम्मत रूपमा गठन गरिएको हो।

गठित समिति उपाध्यक्षमा अम्बिका भट्टराई, सचिवमा टीकाराम ढकाल, कोषाध्यक्षमा सीता अधिकारी तथा सह–सचिवमा कृतिम पोखरेल चयन भएका छन्। यसैगरी सदस्यहरूमा आशिष खरेल, अर्पण गिरी, चिरन ढङ्गेल, प्रमिला आचार्य, अञ्जना मण्डल र सन्तोष गिरी चयन भएका छन्।

नवगठित समितिले आगामी दिनमा विद्यालयका पूर्व विद्यार्थीहरूलाई थप संगठित गर्दै भेटघाट, पुनर्मिलन कार्यक्रम, सामाजिक गतिविधि तथा विद्यालय र समाज हितका सकारात्मक कार्यहरू सञ्चालन गर्ने लक्ष्य लिएको समितिका अध्यक्ष अभिषेक खतिवडाले जानकारी दिए।

विद्यालयका प्रिन्सिपल दुर्गामणि गौतमको अध्यक्षतामा सम्पन्न कार्यक्रममा विद्यालयका शिक्षक खिवराज भट्टराईले सञ्चालन तथा सहजीकरण गरेका थिए ।