झापा । 

कतारले आफ्नो देशका विभिन्न जेलमा रहेका १३ जना नेपालीलाई आममाफी दिएको छ । कतारले आफ्नो राष्ट्रिय दिवस तथा अन्तर्राष्ट्रिय आप्रवासन दिवसको अवसरमा आममाफी दिएको जनाइएको छ । 

कतारका अमिर अर्थात् राजाले आममाफी, कैद मिनाहा वा कैद कम गर्ने गरेका छन् । परराष्ट्र मन्त्रालयद्वारा बिहीबार जारी विज्ञप्तिमा मानवीय आधारमा प्रदान गरिएको आममाफीलाई नेपाल र कतारबीचको द्विपक्षीय सम्बन्धमा गहिरिँदै गएको मित्रता र सौहार्दताको प्रतीकका रूपमा मूल्यांकन गरिएको जनाएको छ । 

साथै यस्तो मानवीय कदमले दुई देशबीचको आपसी विश्वास र सहकार्यलाई थप मजबुत बनाउने उल्लेख गरिएको छ ।