बिर्तामोड नगर स्तरीय स्काउट क्याम्प चारपानेमा शुरु (भिडियोसहित)

चारपाने ।

नेपाल सरकार कोशी प्रदेश अन्तरगत स्थानीय स्काउट कार्यालय बिर्तामोडले तेस्रो बिर्तामोड नगर स्तरीय स्काउट क्याम्प २०८१ गरेको छ । झापाको बिर्तामोड–२, चारपानेस्थित बेलडाँगीको श्री बीर अमरसिंह माध्यमिक बिद्यालयमा बुधवारबाट शुरु भएको तेस्रो बिर्तामोड नगर स्तरीय स्काउट क्याम्प २०८१ को उद्घाटन आज (बिहीवार) गरिएको हो ।

बिर्तामोड नगर स्काउट आयुक्त निकुञ्ज शर्माको अध्यक्षतामा भएको कार्यक्रमको उद्घाटन बिर्तामोड नगर प्रमुख तथा कार्यक्रमकी प्रमुख अतिथि पवित्रा महतरा प्रसाईले गरेकी छिन् । बुधवारदेखि शुरु भएको नगर स्तरीय स्काउट क्याम्प भोली शुक्रवार सम्पन्न हुनेछ । बिर्तामोड नगर स्काउटको आयोजनामा भएको कार्यक्रम आज बिहान मार्च पास गरिएको थियो भने साँझ क्याम्प फायर हुने बताइएको छ ।

scaut

उद्घाटन कार्यक्रममा स्वागत बीर अमरसिंह मबिका प्रधानाध्यापक खेमराज गौतमले गरेको कार्यक्रममा प्रमुख अतिथि तथा स्काउट संरक्षक पवित्रा महतरा प्रसाई, बिर्तामोड नगर उप–प्रमुख तथा स्काउट संरक्षक नगेन्द्रप्रसाद संग्रौला, बिर्तामोड नगर शिक्षा प्रमुख तिलचन भण्डारी, स्काउटका कोशी प्रदेश आयुक्त हेमन्त भण्डारीलगायतले शुभकामना मन्तव्य राखेका थिए ।

बिर्तामोड नगरमा रहेका २२ वटा स्काउट मध्ये सो कार्यक्रममा १४ वटा बिद्यालयका ३ सय ६० जना स्काउटहरुको उपस्थिति रहेको आयुक्त शर्माले बताए । कार्यक्रम अन्तरगत मार्चपास, गाँठो बनाउने, बिना भाडा खाना पकाउने, नृत्य, गायन, हस्तकला, चित्रकला, बक्तृत्वकला, हाजिरी जवाफलगायतका प्रतियोगितात्मक कार्यक्रमसहित क्याम्प फायर कार्यक्रम गरिने छ ।

कार्यक्रममा नेल्टा कोशी प्रदेश बरिष्ठ उपाध्यक्ष धमेन्द्र भट्टराई (मामा), बुद्धशान्ति स्काउटका आयुक्त शिवप्रसाद पौडेल, स्काउटका कोशी प्रदेश युवा परिषद सदस्य विपुल लोहार परियार, महेन्द्ररत्न माबिका प्रधानाध्यापक खड्ग खरेल, सामाजिक बिकास समितिकी अध्यक्ष यमुना आचार्यलगायतको आतिथ्य रहेको थियो । उद्घाटन कार्यक्रमको सञ्चालन स्काउटका नगर परिषद शिक्षा पद्धति आयुक्त डमरु बल्लभ ओझाले गरेका थिए । सोही कार्यक्रमकाबिच १५ बर्ष सेवा प्रदान गरेको भन्दै कपिल सापकोटालाई दीर्घ सेवा पदक प्रदान गरिएको थियो ।

स्काउट सञ्चालन नभएका बिद्यालयलाई तालिम प्रदान गरेर स्काउट सञ्चालनमा प्रोत्साहन गरिने उदेश्य रहेको आयुक्त शर्माले जानकारी दिए । तेस्रो बिर्तामोड नगर स्तरीय स्काउट क्याम्प २०८१ मा दुर्गा माबि, महेन्द्ररत्न माबि, न्यूटन्स एजुकेशन, सेन्ट जेभिर्स, तक्षशीला, महेन्द्र ज्योति, बिराट, मोहनमाया, वीर अमरसिंह, बुद्धस्मृति, बेल्स मोडल, नवोदय फनमिल, देबी माबि, इन्भेन्चरलगायतका बिद्यालयका स्काउटहरुको सहभागीता रहेको छ ।

हाम्रो बारेमा

हाम्रो समूह

सम्पर्क