हल्दीबारी । 

खेलाडी छनौट, भलिबलको बिकास र बढ्दो दुव्र्सनी र लागूऔषध न्यूनीकरणका लागि  झापा हल्दीबारी–३ मा पुरुष भलिबल प्रतियोगिता भएको छ ।  हल्दीबारी–३ को ढडुवा युवा क्लब परिवारको आयोजनामा शनिवार हल्दिबारी वडा नम्बर ३ स्तरिय पुरुष भलिबल प्रतियोगिता भएको छ । 

वडाको खेलाडी छनौट, भलिबलको बिकास र बढ्दो दुव्र्सनी र लागूऔषध जस्ता समस्याको न्यूनीकरणका गर्ने उदेश्यले प्रतियोगता आयोजना गरिएको आयोजक युवा क्लबले जनाएको छ । 

हल्दीबारी–३ वडा कार्यालयको प्रायोजक रहेको उक्त प्रतियोगितामा हल्दीबारी वडा नं–३ का ९ वटा टिमको सहभागीता रहेको थियो ।  ढडुवा युवा क्लब परिवारका अध्यक्ष कुलबहादुर न्यौपानेको अध्यक्षतामा भएको कार्यक्रममा हल्दीबारी–३ का वडाध्यक्ष बिष्णु ओलीको प्रमुख आतिथ्य रहेको थियो ।  

कार्यक्रममा हल्दीबारी–३ का वडा सदस्य कर्ण भण्डारी, अजित बिष्ट, बिष्णुमाया तिम्सिना ढुङ्गेल, सामाजिक अगुवा, ओमप्रसाद मिश्र, रातमाटे सामुदायिक बनका अध्यक्ष जनक लामा, रणकाली सामुदायिक बनका अध्यक्ष धनबहादुर साँवा, पन्चायत माध्यमिक विद्यालयका शिक्षक डिल्लीराम ढुङ्गेललगायतको आतिथ्य रहेको थियो । 

प्रतियोगितामा प्रथम बिष्ट भलिबल टिम र दोस्रो मेचे भलिबल टिम भएको बताइएको छ । प्रतियोगिताका उत्कृष्ट खेलाडी बिष्ट भलिबल टिमका बिशन बिष्ट भएका थिए । कार्यक्रमको सञ्चालन तथा सहजीकरण क्लबका सचिब अभिषेक खतिवडाले गरेका थिए ।