झापा ।  

झापाको बिर्तामोड नगरपालिका वडा नम्बर ६ मसाले टोलमा एउटा ट्रिपरमा आगलागी भएको छ । आज (सोमवार) बिहान १ः४० बजेको समयमा आगलागी भएको हो । 

बिर्तामोड–६ स्थित मसाले टोलका अर्जुन थलानको परालको थुप्रोमा अचानक आगलागी हुँदा नजिकै रहेको ट्रिपरमा आगलागी भएको थियो । 

पञ्चसेवा ग्यारेजमा मर्मत गर्न राखेको सक्षम निर्माण सेवाको बा.०३–००१ क ०३३१ नम्बरको ट्रिपरमा समेत आगलागी भएको हो । आगलागीबाट उक्त ट्रिपरको अगाडीको भाग जलेर नष्ट हुँदा १० लाख मूल्य बराबरको क्षति भएको प्रहरीले जनाएको छ । 

उक्त आगो इलाका प्रहरी कार्यालय अनारमनी, अस्थाई प्रहरी चौकी बुट्टाबारीबाट खटिएको प्रहरी टोलीसहित स्थानियको सहयोगमा राति २ः३० बजे पुर्ण रुपमा नियन्त्रणमा आएको जनाइएको छ । सो सम्बन्धमा थप अनुसन्धान कार्य भइरहेको जिल्ला प्रहरी कार्यालय झापाले जनाएको छ ।