चन्द्रगढी । 

भद्रपुर नगर कला, साहित्य, सङ्गीत प्रतिष्ठानको आयोजनामा साहित्यिक तथा साङ्गीतिक कार्यक्रम आज (शनिबार) सम्पन्न भएको छ । 


भद्रपुर नगरपालिका स्तरमा प्रतिष्ठानको प्रथम स्थापना दिवसका अवसरमा नगरपालिकाको सभा हलमा उक्त कार्यक्रम सम्पन्न भएको हो । 


कवि राजेश ढुङ्गाना, राजु बराल, पिताम्बर अधिकारी, सत्यनारायण तायल, उषा गुरुङ र  महेन्द्र कोइरालाले  कविता वाचन गरेको कार्यक्रममा गायक अर्जुन खरेल, नीरज पोखरेल, डिल्लीरमण नेपाल, लक्ष्मी मिश्र लगायतले गीत प्रस्तुत गरेका थिए । 


भद्रपुर नगरपालिकाका उपप्रमुख राधा कार्कीको प्रमुख आतिथ्यमा सम्पन्न कार्यक्रमको टिप्पणी साहित्यकार होम सुबेदीले गरेका थिए । 

भद्रपुर नगर कला, साहित्य, सङ्गीत प्रतिष्ठानका उपाध्यक्ष फणिन्द्र पोखरेलको अध्यक्षतामा सम्पन्न कार्यक्रमको सन्चालन खगिन्द्रा खुशी र स्वागत डिल्ली रमण नेपालले गरेका थिए ।