बिर्तामोडमा ‘स्नुकर नेपाल माटर्स’ प्रतियोगिता हुने (भिडियोसहित)

बिर्तामोड ।

झापाको बिर्तामोडमा ‘स्नुकर नेपाल माटर्स २०८१’ प्रतियोगिता हुने भएको छ । प्रतियोगितामा नेपालका टप १६ राष्ट्रिय स्नुकर खेलाडीेसहित स्थानीय खेलाडीको सहभागीता रहने छ । आयोजक संस्था बिर्तामोड स्नुकरले आज (सोमवार) बिर्तामोडमा पत्रकार सम्मेलनको आयोजना गरी प्रतियोगिता तयारीका बारेमा जानकारी दिएको हो ।

आगामी असार १५ गतेदेखि बिर्तामोडमा शुरु हुने स्नुकर नेपाल माटर्स प्रतियोगितामा नेपालका टप १६ जना राष्ट्रिय स्नुकर खेलाडी जसले अन्तर्राष्टि स्नुकर खेलमासमेत सहभागीता जनाउँदै आएका छन् । कोशी प्रदेशबाट ८ जना र झापाबाट ८ जना गरी जम्मा ३२ जना खेलाडीको सहभागीता रहने पत्रकार सम्मेलनमा आयोजक संस्था बिर्तामोड स्नुकरका प्रकाश लिङ्देनले जानकारी दिए ।

snooker

लिङ्दनेका अनुसार प्रतियोतिामा प्रथम हुने खेलाडीलाई २ लाख, फष्ट रनरअपलाई ८० हजार, हाइयस ब्रेकरलाई ५०, म्याक्सिमम ब्रेकरलाई एक लाख ४७ हजार र सेमी फाइनलमा प्रवेश गर्नेलाई २०/२० हजार रुपैयाँका दरले नगर पुरस्कारसहित ट्रफी प्रदान गरिनेछ । लिङ्देनले हालसम्म नेपालमा म्याक्सिमम ब्रेकर कोही पनि नभएको बताए ।

प्रतियोगिताका लागि अनुमानित १२ लाख रुपैयाँ खर्च हुने र स्थानीय खेलप्रेमी, सामाजिक संघसंस्थासहित आयोजकले नै खर्च ब्यहोर्ने आयोजक संस्थाले जनाएको छ । स्नुकर खेल अन्तर्राष्ट्रिय स्तरमा निकै चर्चीत खेल भएपनि नेपालमा भने खासै चर्चा नभएकोले उक्त प्रतियोगिताले खेलप्रेमीमा चिनाउने लिङ्देनले बताएका छन् ।

पत्रकार सम्मेलनमा आयोजक संस्था बिर्तामोड स्नुकरका तर्फबाट खेम बुढाथोकी, नवल अग्रवाल, चित्रप्रकाश राईलगायतले स्नुकर खेलका बारेमा आ–आफ्नो भनाई राखेका थिए । कार्यक्रमको सञ्चालन आशा गुरुङले गरेकी थिइन् । प्रतियोगिताका लागि ३२ जना राष्ट्रिय, पूर्वका ८ र स्थानीय ८ खेलाडीहरुलाई निमन्त्रणा गरिएको आयोजकले जनाएको छ ।

प्रतियोगितामा नेपालका टप राष्ट्रिय खेलाडीहरु :

इटहरीका आयुस गौतम, काठमाडौंबाट ह्याङचु आले तामाङ, रजेन लामा, मिलन लामा, सविन तामाङ, जय महर्जन, अजय सुनवार, फुर्वा देर्जे शेर्पा, बिराटनगरबाट अमन कार्की, पोखराबाट बुटवलबाट अंकितमान श्रेष्ठ (रेगन), हेटौडाबाट सोम लामा, नितेश खण्डेवाल, पोखराबाट सोम बिक, विकास महर्जन, बुटवलबाट कुनाल श्रेष्ठ इटहरीबाट आयु गौतम

पूर्वका खेलाडीहरु :

कोशी प्रदेश अन्तरगत बिराटनगरबाट सरोज गौतम, बिशाल निरौला, इटहरीबाट आशिक राई, मन्दिप कटुवाल, धरानबाट मनिष श्रेष्ठ, बिरे लिम्बु, दमकबाट सुजन तामाङ र ताप्लेजुङबाट दिपेन्द्र भट्टराई