हल्दीबारी । 

झापाको हल्दीवारी वडा नम्बर ४ मा मेचे युवा क्लबको आयोजनामा आजदेखि प्रथम हल्दीवारी टोलस्तरीय लिगकम फुटवल प्रतियोगिता शुरु भएको छ । प्रतियोगिताको उद्घाटन कार्यक्रमका प्रमुख अतिथि तथा हल्दीबारी–४ का वडाध्यक्ष सन्तकुमार थापाले शनिवार गरेका छन् । आजबाट शुरु भएको प्रतियोगिता जेठ ५ गतेसम्म चल्ने जनाइएको छ ।

टोलस्तरीय प्रतियोगितामा हल्दीबारी–४ स्थित जलथल ५, ६ र ७ बिच प्रतिस्पर्धा हुनेछ । आजको उद्घाटन खेल जलथल ६ र ७ बिच १–१ गोल गर्दै बराबरी भएको थियो । खेलको १० मिनेटमा जलथल ७ का मिलन राई जर्सी नम्बर १४ ले अग्रतालाई बचाउन नसक्दा जलथल ६ का जर्सी नम्बर १३ का थिङहाङ लिम्बुले खेलको थप मिनेटमा जाली जुमाउदै बराबरी गराएका थिए । 

खेलको म्यान अफ दि म्याज जलथल ६ का जर्सी नम्बर १३ का थिङहाङ लिम्बु भए भने उनले प्रमुख अतिथि सन्तकुमारको हातबाट ट्रफी प्राप्त गरे । 

आयोजक क्लबका अध्यक्ष सचिन मेचेको अध्यक्षमा भएको उद्घाटन कार्यक्रममा हल्दीबारी–४ का वडासदस्य तथा खेल संयोजक सुरेन्द्र बारकोटी, कार्यपालिका सदस्य तथा वडा सदस्य भगिरथा दाहाल, कृष्णसागर अंगे्रजी बिद्यालयका सह–प्रधानाध्यापक योगेश कार्की,  महेन्द्र माबि बिद्यालय ब्यवस्थापन समितिका अध्यक्ष एकराज राना मगरलगायतका आतिथ्य रहेको थियो । 

स्वागत क्लबका सह–सचिव भरत ढकालले गरेको कार्यक्रमको सञ्चालन प्रतियोगिताका सचिव अनिल चौहानले गरेका थिए ।