झापा । 

झापाको हल्दिबारी गाउँपालिका वडा नम्बर ३ मा जारी ‘प्रथम ढडुवा गलाउ मेचे स्मृति कप फुटबल प्रतियोगिता’ को फाइनलमा न्यु स्टार खोपवाडी प्रवेश गरेको छ ।

ढडुवा एफसीद्वारा आयोजित प्रतियोगिताको हिजो भएको खेलमा खोपवाडी र एनसिएफसी सैनिकले प्रतिस्पर्धा गरेका थिए । उक्त खेलमा १–० गोलअन्तरले खेल सकिएको थियो। खोपवाडीले कठिन जितसँगै फाइनलको यात्रा तय गरेको हो। खेल सुरु भएको केही मिनेटमै खोपवाडीका सोनाहाङ लिम्बूले गरेको गोलनै खेलका लागि निर्णायक बनेको थियो । खेलको म्यानअफदी म्याच निर्णायक गोलकर्ता लिम्बु घोषित भए ।

बर्षाकै बाबजुद मैदानमा उत्रेका खेलाडीले अपेक्षित खेल खेल्न भने सकेनन्। खेल एकदमै प्रतिस्पर्धात्मक बनेपनि थप गोल दुवै टिमले अन्त्यसम्म गर्न भने सकेनन ।  केही घम्साघम्सीको स्थिति निम्तिएको खेलबाट न्यू स्टारले उपाधिमाथि दाबेदारी प्रस्तुत गरेको थियो।

आज हुने दोस्रो सेमिफाइनल खेल गोलधाप एफसी हल्दिबारी र जलथल एफसी हल्दिबारी बिच हुनेछ । आजको खेल जित्नेले शुक्रवार फाइनल खेलमा खोपवाडीसँग प्रतिस्पर्धा गर्नेछ ।