सुरुङ्गा । 

नेपाल खेलकुद महासंघ कनकाईको आयोजनामा कनकाई ५ तुलसीवारीमा भईरहेको वडास्तरीय फुटबल प्रतियोगितामा कनकाई ३ लाई १ का बिरुद्ध २ गोलले पराजित गर्दै दोस्रो चरणमा प्रवेश पाएको छ । 

मंगलबार (आज) भएको प्रतिस्पर्धात्मक खेलमा ७ नम्बरले ३ नम्बरको चुनौती १ का बिरुद्ध २ गोलले पन्साएको हो । ७ नम्बरका लागि पहिलो गोल खेल भएको दोस्रो मिनेटमै अनमोल कार्की र दोस्रो हाफको अन्तिम तिर पेलान्टी गोल मार्पmत राज मगरले गोल गर्दै जित सुनिश्चित गरेको हुन् । ३ नम्बरका लागि एक मात्र सान्तना गोल मनिष राईले खेलको अन्तिम मिनेट तीर लगाएका हुन् । आजको खेलको म्यान अफ द म्याच बिजयी टिमका विक्रम मुर्मु भए उनले नगद १ हजार रुपैँयाँ प्राप्त गरेको आयोजक समितिका संयोजक पुर्ण लिम्बुले बताए। 

आजको खेलमा अधिकांश गोल पोजिशन वडा नम्बर ३ को पक्षमा भएपनि स्कोर गर्न नसक्दा ३ नम्बर पराजित बनेको हो । भोलीबाट प्रतियोगिताको दोस्रो चरणको खेल हुनेछ । जसमा वडा नम्बर ५ ले ४ सँग पहिलो क्वाटर फाईनल खेल खेल्ने आयोजक समिति नेपाल खेलकुद महासंघ कनकाईका अध्यक्ष गोविन्द सुवेदीले  बताए । 

वैशाख २३ गतेसम्म हुने प्रतियोगितामा कनकाईका ९ वडाको सहभागिता रहेको छ । प्रतियोगिताको उदघाटन झापा ४ का माननीय सांसद एलपीसाँबा लिम्बुले गर्नुभएको थियो ।