हल्दिवारी ।
झापाको हल्दिवारी गाउँपालिका वडा नम्बर २ ले ६० जनालाई निःशुल्क एम्बुलेन्स सेवा प्रदान गरेको छ । वडा कार्यालयको विनियोजित २ लाख रुपैयाँ बजेट मार्फत ६० जनालाई एम्बुलेन्स बापतको रकम भुक्तानी गरिएको वडा अध्यक्ष शुकलाल राजवंशीले बताए ।
वडाध्यक्ष राजवंशीका अनुसार प्रत्येक वर्ष वडाले एम्बुलेन्स सेवा प्रयोग गरे बापत बिरामीको परिवारलाई सेवा शुल्क भुक्तानी गरिदिदै आएकोमा छ । यस बर्ष पनि विनियोजित रकम भन्दा बढीले सेवा शुल्क माग दाबी गरेकोमा दामासाहिमा उनीहरुलाई भुक्तानी गरिएको हो ।
नेपालमै एम्बुलेन्स सेवा निःशुल्क गर्ने हल्दिवारी–२ पहिलो रहेको समेत अध्यक्ष राजवंशीको दावी रहेको छ ।
_1642945611.jpg)
