• सुदिप खवास 
  

बिर्तामोड । 

झापाको बिर्तामोड नगरपालिका नगर खेलकुद बिकास समिति वडा नम्बर ६ को अध्यक्षतामा भुवन मेचे चयन भएका छन् । नव गठित ११ सदस्यीय समितिको उपाध्यक्षमा सनम पुरी र अनुप सुब्बा चयन भएका छन् । 

त्यस्तै मेचेको अध्यक्षतामा गठन भएको वडा खेलकुद समितिको सदस्यमा एलिजा पोखरेल, सबिना तिम्सिना, सन्तोष तामाङ, विप्लप मैनाली, रोसिप घिसिङ, बिजय तामाङ र राजु अधिकारि चयन भएका छन् । 

युवाहारु समाज सुधारको एक अभिन्न अंग भएकोले गर्दा खेल क्षेत्र आफैमा पनि अनुसाशनको एक मन्दिर भएको प्रमुख अतिथि तथा वडाध्यक्ष सुर्य कन्दङ्वाले बताए । उनले नव गठित समितिलाई शुभकामनासहित युवा तथा खेलाडीहरुको निमित्त वडा सधैभरि गम्भिर रहेको र समिले गर्ने खेलाडी हितको निमित्त हरेक कृयाकलापहरुमा पूर्ण साथ समर्थन जनाउने प्रतिबद्धता समेत ब्यक्त गरेका छन् ।

नगर खेलकुद बिकास समितिका उपाध्यक्ष आइतमाया शेर्मा लिम्बुको अध्यक्षता भएको कार्यक्रममा वडाध्यक्ष कन्दङ्वा, कार्यपालिका सदस्य शर्मिला राजवंशी, वडा सदस्य खेमनाथ अधिकारी ,जीवन बास्कोटा, गिता रेग्मी वडा सचिव रुकमान थलङको अतिथ्य रहेको थियो ।  नगर सदस्य सुदिप खवासले स्वागत गरेको कार्यक्रमको सञ्चालक नगर समितिका सचिव बिसन लिम्बुले गरेका थिए।