बिर्तामोड । 

झापाको बिर्तामोड नगरपालिका वडा नम्बर ९ को श्री दुर्गा माध्यमिक विद्यालय गरामनीको दुर्गा बाल क्लबको पुनर्गठन भएको छ। नवगठित बाल क्लबको अध्यक्ष सृजन अधिकारी, उपाध्यक्ष एजमेरी खातुन, सचिव श्रेया भट्टराई, सह–सचिव प्रतिक चम्लागांई, कोषाध्यक्ष प्रदिप खड्का रहेका छन्।

त्यसैगरी सदस्यहरुमा मनिषा लामा, समिक्षा भण्डारी, करुणा सिवाकोटी, प्रज्वल रिमाल, आयुष कालिकोटे, अनिल श्रेष्ठ, सचिन बराल, सुसन अधिकारी, पुर्णिमा ओडारी र बर्षा डाँगी रहेका छन्।  

२०६४ सालमा स्थापना भएको बालक्लवले  बिद्यालयमा नेतृत्व बिकास, ब्यक्तित्व विकासका साथै  बिद्यालयमा अतिरिक्त कृयाकलापहरु सञ्चालन गर्दै आएको छ।  सोमबार सम्पन्न क्लब को साधारण सभाले नयाँ नेतृत्व सर्वसम्मत चयन गरेको हो।  निवर्तमान अध्यक्ष सौगात घिमिरेले नवनिर्वाचित समितिको नामावली  सार्वजनिक गरेका थिए । 

बिद्यालयका प्रधानाध्यापक लक्ष्मण शिवाकोटी र  क्लबका संस्थापक धर्मेन्द्र भट्टराईले नवनिर्वाचित पदाधिकारीहरुलाई बधाई तथा शुभकामना ब्यक्त गरेका थिए। निवर्तमान सचिव समिक्षा भण्डारीले नवनिर्वाचित सचिव श्रेया भट्टराईलाई बैठक पुस्तिका हस्तान्तरण गरिएको थियो।