अर्जुनधारा । 

झापाको अर्जुनधारा–५ स्थित रेम्बो स्माइल मन्टेश्वरीको दोस्रो वार्षिकोत्सव तथा पुरस्कार वितरण कार्यक्रम सम्पन्न भएको छ । बुधबार(आज) आयोजित वार्षिकोत्सवको उद्घाटन अर्जुनधारा नगरपालिकाका शिक्षा शाखा प्रमुख तोयानाथ रेग्मीले गरेका थिए ।

कार्यक्रममा प्रिन्सिपल पुष्पा कोइराला भट्टराईले मन्टेश्वरीका बारेमा जानकारी दिँदै दक्ष तथा अनुभवी शिक्षिकाहरुले घरायसी वातावरणमा पठनपाठन गराउँदै आएको बताइन् । 

कार्यक्रम मन्टेश्वरीका फाउण्डर लेखनाथ भट्टराईको अध्यक्षतामा भएको थियो । साना–साना बालबालिकाहरुले आकर्षक नृत्य प्रस्तुत गरेको कार्यक्रमको सञ्चालन विद्यालयका निर्भिक न्यौपाने र भावना साहले संयुक्त रुपमा गरेका थिए ।