मेचीनगर । 

झापाको मेचीनगर–९ मा प्रथम वडाध्यक्ष कप अन्तर फुटबल प्रतियोगिता शुरु भएको छ ।कवि शिरोमणी माविको खेल मैदानमा शुरु भएको प्रतियोगिता वडा खेलकुद विकास समिति मेचीनगर–९ ले आयोजना गरेको हो । प्रतियोगिताको उद्घाटन खेलमा माथिल्लो मागुरमाडी क्षेत्र विजयी भएको हो ।

उद्घाटन खेलमा थोप्लेविरान क्षेत्रलाई २–१ गोल अन्तरले पराजित गर्दै माथिल्लो मागुरमाडी क्षेत्रले सुखद सुरुवात गरेको छ । माथिल्लो मागुरमाडीको तर्फबाट दिपेन रम्तेल र सौगात गोम्देनले एक एक गोल गरे । थोप्लेविरानको तर्फबाट बासुदेब तिम्सिनाले एक गोल फर्काए ।

खेलको म्यान अफ द म्याच उपविजेता टिमका बासुदेब तिम्सिना घोषित भए । उनलाई मेचीनगर प्रमुख गोपालचन्द्र बुढाथोकीले नगद एक हजारसहित ट्रफि र मेडल प्रदान गरे ।शुक्रवारबाट शुरु भएको प्रतियोगिताका शनिबार (आज) मागुरमाडी क्षेत्र र खुट्टीडाँगी क्षेत्र बिच प्रतिष्पर्धा हुनेछ ।

फागुन ६ गतेसम्म सञ्चालन हुने प्रतियोगितामा स्थानीय ९ वटा टिमको सहभागीता रहने जनाइएको छ ।  प्रतियोगिताका विजेता टिमले नगद ४० हजार र उपविजेता टिमले नगद २५ हजारसहित मेडल तथा प्रमाणपत्र प्राप्त गर्नेछन् ।