काँकरभिट्टा । 

झापाको मेचीनगरमा जनप्रतिनिधि र पत्रकारबिचको मैत्रीपूर्ण फुटबल खेलमा पत्रकारको टोलीले जित हात पारेको छ । वडा खेलकुद विकास समिति मेचीनगर–९ ले आयोजना गरेको मैत्रीपूर्ण फुटबल खेलमा पत्रकारको टिम बिजयी भएका हुन् ।

कवि शिरोमणी माविको खेल मैदानमा भएको सो मैत्रीपुर्ण खेलमा पत्रकारको टोलीले जनप्रतिनिधिहरुलाई २–१ गोलको अन्तरले पछि पार्दै जित हात पारेको हो । पत्रकारको तर्फबाट बिश्वास दाहाल र गोविन्द घिमिरेले एक एक गोल गरेका थिए भने, जनप्रतिनिधिको टिमबाट बिशाल कार्कीले गोल गरेका थिए ।

मेचीनगर नगरपालिका प्रमुख गोपालचन्द्र बुढाथोकी र मेचीनगर उपप्रमुख मिना उप्रेतीद्वारा पत्रकार टोलीका कप्तान डम्बर बराल र जनप्रतिनिधि टोलीका कप्तान मेचीनगर वडा नं ९ का वडाध्यक्ष कञ्चन तामाङलाई मायाको चिनो प्रदान गरेका थिए ।