महाभारा ।

झापाको गौरीगञ्ज गाउँपालिका १ मा रहेको जनकल्याण आधारभुत विद्यालयका विद्यार्थीहरुलाई जाडोमा स्वीटर वितरण गरिएको छ । बुधबार विद्यालयका कक्षा १ देखि कक्षा ७ सम्मका विद्यार्थीहरुलाई स्वीटर वितरण गरिएको हो ।

विद्यालयका पूर्व विद्यार्थी तथा पत्रकार प्रदीप परियारको पहलमा १ सय २० जना विद्यार्थीहरुलाई स्वीटर वितरण गरिएको विद्यालयका प्रधानाध्यापक भीम बहादुर कार्कीले जानकारी दिए । विद्यालयमै पुगेर पूर्व विद्यार्थी परियारले स्वीटर वितरण गरेका हुन् । विद्यालयका जग्गादाता, विद्यालय व्यवस्थापन समिति, जनप्रतिनिधि, अभिभावकहरु समेतको उपस्थितिमा स्वीटर वितरण गरिएको शिक्षक सिपी भट्टराईले जानकारी दिए ।

पूर्व विद्यार्थी परियारले बिर्तामोडका सामाजिक एवम् व्यवसायी व्यक्तित्वहरुको सहयोगमा स्वीटर वितरण गरेका हुन् । परियारका अनुसार बिर्तामोडका व्यवसायी निर्मल भट्टराई, सुवास भट्टराई, संजिव घिमिरे, दिवाकरलाल चौधरी, पिन्टु शाह, नविन ढुङ्गानाको सहयोगमा १ सय २० जना विद्यार्थीलाई स्वीटर वितरण गरिएको हो ।


स्