• राजु बराल 
  

चन्द्रगढी ।

झापाको भद्रपुर १० स्थित सेन्ट कुजुर एकाडेमी युवा रेडक्रस सर्कलको आयोजनामा बिपन्न बर्गका बिद्यार्थी र अभिभाबकलाई निःशुल्क  लत्ताकपडा वितरण गरिएको छ ।

नेपाल रेडक्रस सोसाइटी भद्रपुर उपशाखाको सहयोगमा सेन्ट कुजुर एकाडेमी, जीवन ज्योती आधारभूत बिद्यालय र शुक्रराज आधारभूत बिद्यालयका बिपन्न बर्गका बिद्यार्थी र अभिभावकलाई लत्ताकपडा वितरण गरिएको हो । 

भद्रपुर नगरपालिकाका प्रमुख गणेश पोखरेलको प्रमुख आतिथ्यमा सम्पन्न सो कार्यक्रममा ६५ जना बिद्यार्थी र अभिभावकलाइ तयारी लत्ताकपडा वितरण गरिएको हो ।

 भद्रपुर नगरपालिकाका प्रमुख पोखरेल, उपप्रमुख राधा कार्की, वडा न १० का वडा सदस्य दुर्गा दाहाल, चन्द्रगढी सामुदायिक वन उपभोक्ता समूहका सचिव पार्वती मल्ल, चन्द्रगढी खानेपानी उपभोक्ता तथा सरसफार्इ समिति उपाध्यक्ष बाबू राम पराजुली, नेपाल बहुउद्देश्य सहकारी सस्थाका युवराज ढकाल, सामाजिक अभियन्ता शिवकुमार राजभन्डारीले शुभकामना मन्तब्य राखेको कार्यक्रममा नेपाल रेडक्रस सोसाइटी, भद्रपुर उपशाखाका सभापति गोपाल गिरीले कार्यक्रमको औचित्य माथी प्रकाश पारेका थिए ।  

सेन्ट कुजुर एकाडेमी युवा रेडक्रस सर्कलका अध्यक्ष निकिता राजबंशीको अध्यक्षता र  ममता कार्कीले स्वागत गरेको कार्यक्रमको सन्चालन शिक्षक राजु बरालले गरेका थिए ।