धुलाबारी ।

झापाको धुलाबारीमा रहेको इष्ट होराइजन अंग्रेजी माविमा क्वेष्ट नेपालले विद्यार्थीहरुबीेच व्यक्तित्व विकास गर्ने उद्देश्यले ‘स्टुडेन्ट क्वालिटी सर्कल’ कार्यक्रम गरेको छ । क्वेष्ट नेपालले ७ औँ हव सम्मेलन अन्तरगत ‘स्टुडेन्ट क्वालिटी सर्कल’ (एसक्युसी) कार्यक्रमको आयोजना गरेको हो ।

कार्यक्रममा क्वेष्ट नेपालकी सभापति एवम ग्यालेक्सी पव्लिक स्कुलकी प्रिन्सिपल सुनिरा एस गुरुङको प्रमुख आतिथ्यता रहेको थियो ।कार्यक्रममा प्रमुख अतिथि गुरुङ, मेचीनगर नगरपालिकाका शिक्षा शाखा प्रमुख होमनाथ भण्डारी, इष्ट होराइजनका प्रिन्सिपल सञ्जीव राई, झापा हवका सदस्य ओमविक्रम नेम्बाङ, हवका कोर्डिनेटर गुणराज गिरीलगायतले शुभकामना मन्तव्य राखेका थिए ।

कार्यक्रमको आयोजक झापा हव र सहजिकरण इष्ट होराइजन माविले गरेको थियो । कार्यक्रममा विद्यार्थीहरुबीच समस्या, त्यसको अनुसन्धान र समाधानका उपायका बारेमा प्यानल डिस्कसन समेत गरिएको थियो । त्यसको सहजिकरण स्मारिका स्कुलकी कोर्डिनेटर संगीता राईले गरेकी थिइन् ।

आर्ट, क्यालेज, कथा लेखन र प्रेजरहन्टका विद्यामा प्रथम, दोस्रो र तेस्रो हुने विद्यार्थीहरुले पुरस्कार प्रदान गरिएको कार्यक्रमका संयोजक नविन दाहालले जानकारी दिए । कार्यक्रममा होराइजनका विद्यार्थीहरुले नित्य प्रस्तुत गरेका थिए । कार्यक्रमको सञ्चालन होराइजनी शिक्षिका रोखा दाहालले गरेकी थिइन् ।