बिर्तामोड । 

झापाको बिर्तामोड–१ मा मुख्य कार्यालय रहेको सुनकोशी बचत तथा ऋण सहकारी संस्थाले कर्मचारी अन्तरक्रिया तथा तीज मिलन कार्यक्रम गरेको छ । 

संस्थाले शुक्रवार (आज) संस्थाको प्रधान कार्यालय बिर्तामोडमा संस्थाको आन्तरिक नीति तथा नियमावली सम्बन्धि सञ्चालक समिति र कर्मचारीबीच अन्तरक्रिया कार्यक्रमसहित तीज मिलन कार्यक्रम सम्पन्न गरेको संस्थाका सचिव कमल पराजुलीले जानकारी दिए । 

कार्यक्रममा संस्थाका अध्यक्ष गंगाराम ओडारीसहित सञ्चालक समिति तथा संस्थाका अधिकांश कर्मचारीहरुको उपस्थिति रहेको थियो । 

सोही कार्यक्रमकाबीच नेपाली महिला दिदिबहिनीकोहरुको महान पर्व हरितालिका तीजको अवसर पारेर तीज मिलन कार्यक्रममा गरिएको थियो । कार्यक्रममा महिलाहरुले तीजको गीतमा नाचगान गर्दै दर खाएर तीज मिलन कार्यक्रम सम्पन्न गरेका थिए ।