बिर्तामोड । 

 लायन्स क्लब अफ अनारमनी तथा लियो क्लब अफ अनारमनीको आयोजनामा झापामा  खुल्ला व्याडमिण्टन प्रतियोगिता हुने भएको छ ।

प्रदेश १ स्तरीय  लायन्स खुल्ला ब्याडमिण्टन प्रतियोगिता २०७८ आगामी चैत्र १८ गतेदेखि २० गतेसम्म हुने भएको लायन्स क्लब अफ अनारमनीका पूर्व अध्यक्ष एंवम लायन्स क्लब अफ इन्टरनेशनल डिष्ट्रिक ३२५ ए वान नेपालका रिजोन चियर पर्सन शैलेन्द्र कुरुम्वाङले जानकारी दिए ।

 उनका अनुसार प्रतियोगिता महानन्द चोक स्थित बिर्ता व्याडमिण्टन क्लबको कर्वडहलमा हुनेछ । प्रतियोगिताको उद्धघाटन लायन्स क्लब अफ इन्टरनेशनल डिष्ट्रिक ३२५ ए वान नेपालका हनरेट क्यामप्यान चिफ लिला चिमरीयाले गर्ने छन् । 

प्रतियोगितामा ए डिभिजन खुल्ला तर्फका प्रथम हुनेले  नगद रु ३० हजार, दोस्रो हुनुले नगद २५ हजार र तृतिय हुनेले नगद १२ हजारसहित मेडल तथा प्रमाणपत्र पाउने छन् । 

त्यस्तै बि डिभिजन तर्फबाट  प्रथम हुनेले २५ हजार नगद, दोस्रो हुनेले २० हजार नगद र तेस्रो हुनेले नगद १० हजार सहित मेडल तथा प्रमाणपत्र पाउने छन् । 

त्यस्तै प्रतियोगितामा भेट्रान तर्फबाट प्रथम हुनेले नगद २० हजार , दोस्रो हुनेले नगद १५ हजार र तेस्रो हुनेले नगद ८ हजार सहित मेडल तथा प्रमाणपत्र पाउने छन् । 

प्रतियोगितामा सहभागि हुनेले १७ गतेसम्म टिम दर्ता गर्न सक्ने आयोजकले जनाएको छ । साथै प्रतियोगितामा सहभागि हुने टिमले प्रवेश शुल्क प्रतिटिम दुईजनाको २ हजार ५ सय बुझाउनु पर्ने हुन्छ ।