काँकडभिट्टा ।

झापाको मेचीनगरमा रहेको पूर्वीद्वार वचत तथा ऋण सहकारी संस्थाले बाल क्लब गठन गरेको छ । मंगलबार संस्थाको कार्यालय धुलाबारीमा बाल क्लब मेचीनगर गठन गरेको हो ।

बाल क्लब मेचीनगरको अध्यक्षमा आश्रय अधिकारी सर्वसम्मत चयन भएका छन् । समितिको उपाध्यक्षमा प्रशान्त गुरगाई र सचिवमा प्रज्ञा ढुंगेल चयन भएका छन् । 

 त्यसैगरी सदस्यमा निशा दुलाल, लक्ष्मी अधिकारी, अञ्जली बुढाथोकी, सुस्मिता थापा, पुकार खतिवडा, पुर्णिमा धिताल, श्रृष्टी कार्की र निरज खतिवडा छन् ।

यसअघि संस्थाको प्रधान कार्यालयसहित ८ वटै सेवा केन्द्रमा बाल क्लब गठन भएको थियो । सेवा केन्द्रहरुमा भएको बाल क्लबहरुको संयुक्त भेलाले नै मेचीनगर बाल क्लब गठन गरेको संस्थाका अध्यक्ष विपी भट्टराईले जानकारी दिए ।

अध्यक्ष भट्टराईले बालबालिकालाई बाल वचत गर्न सिकाउने, सहकारी सम्बन्धी पुस्तक अध्ययन गराउने, हाजिरी जवाफ, विभिन्न खेलकुद गतिविधिका विषयमा प्रतियोगिता गराउने लगायतका बाल कार्यक्रमहरु गर्ने उद्देश्यले बाल क्लब गठन गरिएको बताए ।

संस्थाकी सञ्चालक सदस्य  कुश्मीकुमारी चौधरीको अध्यक्षतामा भएको कार्यक्रममा स्वागत उपाध्यक्ष मणिराम खतिवडा र सञ्चालन व्यवस्थापक प्रलाद खड्काले गरेका थिए ।