बिर्तामोड । 

झापाको बिर्तामोडमा मुख्य कार्यालय रहेको सुनकोशी बचत तथा ऋण सहकारी संस्थाको बिर्तामोडस्थित कार्यालय स्थान्तरण भएको छ ।  बिर्तामोड–५ मा रहेको कार्यालय बिर्तामोड–१ स्थित पश्चिमबस स्टेण्ड उत्तर बजाज मोटरसाइकलको शोरुमको माथिल्लो तलामा सरेको हो । 

दुई हजार एकसयवढि शेयर सदस्य रहेको संस्थाको बाहदशी गाउँपालिकास्थित डाँगीबारी बजारमा सेवा केन्द्र रहेको छ । कोरोना महामारीको ख्याल गर्दै संस्थाका सञ्चालक समिति र कर्मचारीले स्वास्थ्यको मापदण्ड पुरा गर्दै बुधवार (आज) स्थान्तरण गरिएको नयाँ कार्यालयको उद्घाटन गरेको संस्थाका सचिव कमल पराजुलीले जानकारी दिए ।

स्थान्तरण गरेको कार्यालयको उद्घाटन संस्थाका अध्यक्ष गंगाराम ओडारीले गरेका थिए ।