• केशब चापागाईं

शरणामती। 

झापा गाउँपालिकामा दोस्रो अध्यक्ष कप प्रदेश नं १ पालिका स्तरीय पुरुष भलिवल प्रतियोगिता सुरु भएको छ। स्थानीय झापा–६ जनता माध्यमिक विद्यालयको खेल मैदानमा उद्घाटन गरिएको खेलमा आज सोमवार तीन खेल सम्पन्न भएका छन्।

दमक नगरपालिका झापा र मेचीनगर नगरपालिका झापा बिच हुने भनिएको पहिलो खेलमा मेचीनगर निर्धारित समयमा उपस्थित नभएपछि दमक नगरपालिका विजयी घोषित भएको थियो। त्यस्तै दोस्रो खेल षडानन्द नगरपालिका भोजपुर र कनकाई नगरपालिका झापा बिच भएको थियो। कनकाईलाई ३–१ सेटमा हराउँदै षडानन्द विजयी भएको छ। 

त्यस्तै तेस्रो खेल झापा गाउँपालिका झापा र बाह्रदशी गाउँपालिका झापा बिच भएको खेलमा झापा विजयी भएको छ। झापाले ३–१ को सेटमा बाह्रदशीलाई पराजित गर्यो।   भएका खेलमा म्यान अफ दी म्याच षडानन्द नगपालिकाका भुवन गौतम र झापाका रोहित शिवाकोटी घोषीत भए।

प्रतियोगितामा विजेताले १ लाख ५१ हजार र उप(विजेताले १ लाख नगद पुरस्कार पाउने भएका छन् । सेमिफाइनलबाट बाहिरिने टोलीले समेत पुरस्कार प्राप्त गर्ने छन्। सेमिफाइनलबाट बाहिरिने टोलीले १५ हजार हात पार्ने छ।