बिर्तामोड । 

धौलागिरी पारिजात बहुउद्देश्यीय सहकारी संस्थाको चौधौ बार्षिक साधारणसभा सम्पन्न भएको छ । संस्थाले शनिवार बिर्तामोडमा प्रतिनिधित्व मुलक साधारणसभा गर्दै सम्पन्न गरेको हो । 

संस्थाका अध्यक्ष कृष्ण पौडेलको अध्यक्षतामा भएको कार्यक्रममा झापा जिल्ला सहकारी संघका अध्यक्ष गणेश ढकालको प्रमुख आतिथ्य रहेको थियो । संस्थाका उपाध्यक्ष डिल्ली ओलीले स्वागत गरेको कार्यक्रमको सञ्चालन सचिव किशोर भट्टराईले गरेको थिए । 

कार्यक्रममा संस्थाको उत्कृष्ट सेवा केन्द्रका रुपमा जयपुर सेवा केन्द्रलाई सम्मान गरिएको थियो । उत्कृष्ट कर्मचारीमा जयपुर सेवा केन्द्रका प्रमुख कुलप्रसाद पाण्डेलाई नगद १० हजार रुपैयाँसहित सम्मान गरिएको थियो भने  लक्ष्मीपुर सेवा केन्द्रकी बजार प्रतिनिधि दुर्गा भट्टराई अधिकारीलाई पनि सम्मान गरिएको थियो । 

कार्यक्रममा प्रमुख अतिथि ढकाल, बिर्तामोड नगरपालिकाका सहकारी अधिकृत डिल्ली दाहाल, नेपाल पत्रकार महासंघका पूर्व केन्द्रिय सदस्य गणेश पोखरेल, हल्दिबारी गाउँपालिका वडा नं. १ अध्यक्ष त्रिलोचत सापकोटालगायतले शुभकामना मन्तव्य राखेको संस्थाका संस्थाका सञ्चालक समिति सदस्य सुशिल दाहालले जानकारी दिए ।  

आर्थिक बर्ष २०७७/०७८ सम्ममा ७ हजार ६ सय ९९ शेयर सदस्य रहेको संस्थाको शेयरपुँजी ४ करोड २८ लाख ६० हजार २ सय रुपैयाँ पुर्याउन सफल भएको छ । 

त्यस्तै निक्षेप प्राप्ती र भुक्तानी २० करोड ४७ लाख ५४ हजार ८ सय ५९ रुपैया, कोष १ करोड ६३ लाख ८२ हजार ४ सय ९९ रुपैयाँ ६४ पैसा, बाह्य ऋण १५ करोड ६ लाख ९७ हजार ६४ रुपैयाँ, ऋण लगानी ३१ करोड १२ लाख १६ हजार ७ सय ३० रुपैयाँ रहेको अध्यक्षद्धारा प्रस्तुत प्रतिवेदनमा उल्लेख छ । 

भिडियो पनि