• केशब चापागाईं
  

मदरगाछ ।

झापा गाउँपालिकामा जारी अन्तरपालिका स्तरीय अध्यक्ष कप क्रिकेट प्रतियोगितामा मेचीनगर नगरपालिकाले भद्रपुर नगरपालिकालाई पराजित गर्दै अन्तिम चारमा स्थान सुरक्षीत गरेको छ।

झापा गाउँपालिका–७ को जनकल्याण माविको मैदानमा सोमवार सम्पन्न खेलमा भद्रपुर नगरपालिकाले दिएको  निर्धारित लक्ष्यलाई पछ्याउदै मेचीनगरले सहज जित हात पारेको हो। खेलमा म्यान अफ द म्याच मेचीनगरका क्षीतिज घोषित भए।

मेचीनगरको जितसँगै आउँदो २२ गते बिर्तामोडको टोलीसँग भेट पक्का भएको छ। अन्तिम दुईको बाजीमा बिर्तामोड र मेचीनगर भिड्ने छन् । प्रतियोगितामा जिल्लाका १२ टोलीको सहभागीता रहनेछ । 

झापा गाउँपालिकाको वार्षिक कार्यक्रम अन्तरगत सगरमाथा युथ क्लब तथा वडा नं.७ को संयुक्त आयोजनामा मंसिर १३ गते देखि सुरु भएको प्रतियोगिता आउँदो मंसिर २३ गते सम्पन्न हुने क्लबका अध्यक्ष रोहित कर्णले जानकारी दिए।

प्रतियोगितामा प्रथम पुरस्कार ४० हजार नगद र दोस्रो पुरस्कार २५ हजार नगदसहित ट्रफी रहेको छ। त्यस्तै प्रतियोगितामा म्यान अफदी म्याच, प्लेअर अफदी टुर्नामेन्ट, वेस्ट वलर, वेस्ट व्याट्समेन्ट, वेस्ट किप्पर, वेस्ट फिल्डर, फियर प्ले अर्वाडले समेत पुरस्कार पाउने आयोजकले जनाएको छ।