विराटनगर । 

ज्यान मार्ने उद्योग मुद्धाका फरार ब्यक्ति सुनसरी धरान उपमहानगरपालिका ११ का २५ बर्षीय सन्तोष राईलाई प्रहरीले पक्राउ गरी अदालतमा बुझाईएको छ ।

ज्यान मार्ने उद्योग मुद्धामा सुनसरी जिल्ला अदालतबाट मिति २०७६ फागुन १५ गतेको सजाय निर्धारण फैसला आदेशले १ बर्ष ६ महिना कैद भई लगत नं. ९४२० मा कैद बेरुजु रहि असुल गर्न बाँकी रहेका राईलाई १ नं प्रदेश प्रहरी कार्यालयको  प्रहरी टोलीले खोजतलास गर्ने क्रममा गाउँघरमा नै लुकेर बसेको अबस्थामा गत १५ गते पक्राउ गरेको थियो ।

पक्राउ परेका राईलाई  सुनसरी जिल्ला अदालतबाट कैद भुक्तानको लागी कारागार चलान गरिएको प्रहरीले जनाएको छ ।