बिर्तामोड । 

बिर्तामोड वडा स्तरीय फुटबल प्रतियोगितामा वडा नम्बर ४ ले फाइनल उपाधी चुमेको छ। बिर्तामोड खेलकुद बिकास समिती द्वारा आयोजित तेस्रो  वार्ड स्तरिय फुटबल प्रतियोगिता अन्तरगत सोमबार  भएको फाईनल खेलमा वार्ड नम्बर ४ ले वार्ड नम्बर ६ लाई १ का बिरुद्ध ३ गोलले पराजित गरि उपाधी आफ्नो हातमा  पार्न सफल भएको हो।

उपाधीसँगै बिजेता टिमले नगद ७५ हजार र  दोश्रोले ५० हजार र ट्रफी ,मेडल तथा प्रमाणपत्र प्राप्त गरेको अध्यक्ष टीका संग्रौलाले बताए । गत असोज १८ बाट शुरु भएको खेलमा १० वटा टिमले सहभागीता जनाएका थिए ।

म्यान अफ द म्याच नरेन्द्र मणि लिम्बू , उत्कृष्ट  गोल रक्षक अभिषेक चौधरी ,सर्वाधिक गोल कर्ता योगेश गुरुङ ,उत्कृष्ट डिफेन्स रोशन गुरुङ ,उत्कृष्ट मिट फिल्डर रोमन भुजेल, म्यान अफ द सिरिज योगेश गुरुङ भएका छन् यस्तै  उत्कृष्ट प्रशिक्षक वडा न ४ गोपाल राई घोषित भएको उपाध्यक्ष केशव भण्डारीले जानकारी दिए।