बुट्टावारी ।

 सामुदायिक सिर्जनशील समाज अर्जुनधारा ११ को आयोजनामा भएको नक–आउट फुटबल प्रतियोगिता इन्दिरा आमा स्पोर्ट्स क्लब विजयी भएको छ । 

२०७८ सालको बिजय दशमी शुभ दिपावली तथा छठ पर्वको अवसर पारेर आयोजना प्रतियोगितामा सोमवार लक्ष्मीधाप स्पोर्ट्स क्लब र घरेलु क्लब इन्दिरा आमा स्पोर्ट्स अर्जुनधारा ११ बिच भएको थियो । 

खेलको मध्यन्नपछि  इन्दिरा आमा स्पोर्ट्स क्लबका जर्सी नम्बर ११ का पाल्देन घलेले १ गोल गरि जित हात परेका थिए । खेललाई अत्यन्तै सहजता साथ सम्पन्न गर्न रेर्फी प्रदीप बस्नेत लाइन्समेन लोकराज ढुंगाना र प्रकाश काफ्ले रहेका थिए । त्यस्तै खेलमा म्यान अफ द म्याचको उपाधि पाल्देन घलेलार्इ स्थानीय आशिस खड्काले नगद हस्तान्तरण गरेका थिए ।  प्रतियोगितामा ६ वटा टिम सहभागी हुने साथै फाइनल २६ गते हुने प्रतियोगिता संयोजक निशेष श्रेष्ठले बताए ।

जगत बहादुर मगरको अध्यक्षता , सामाजिक ब्याक्तित्व हस्त बहादुर परियारको प्रमुख आतिथ्यमा आयोजित कार्यक्रममा अतिथि आगन एफ एम स्टेसन म्यानेजर रञ्ति प्रसार्इ, किरण जबेगु, नर बहादुर बिक, सरोज बर्देवा, किरण ओलीलगायतको उपस्थिति रहेको थियो । कार्यक्रमको सहजीकरण सचिव रन्जित परियारले गरेका थिए ।