बिर्तामोड ।

 बिर्ता बचत तथा ऋण सहकारी संस्था बिर्तामोडले तीज मिलन कार्यक्रम गरेको छ ।  संस्थाले बुधवार बिर्तामोडस्थित कार्यालयमा सञ्चालक समिति, कर्मचारी, सल्लाहकारको उपस्थितिमा विविध कार्यक्रम गरेर तीज मनाएको हो । 

नेपाली महिलाहरुको महान पर्व हरितालिका तीजको अवसर पारेर तीज मिलन कार्यक्रम गरेको संस्थाका अध्यक्ष सन्तोष गिरीले जानकारी दिए ।

कार्यक्रममा महिलाहरुलाई दर खुवाउने कार्यक्रम गरिएको थियो भने दिदीबहिनीहरुले नाचगान गरेर तीज मनाएका थिए । कार्यक्रममा संस्थाका उपाध्यक्ष सुनिता मानन्धर सल्लाहकार चन्द्रप्रसाद गिरी, सदस्य पदम पुरी (प्रकाश), शंकर गिरीलगायतको उपस्थिति रहेको अध्यक्ष गिरीले बताए ।