झापा ।  

विश्व कोरोना महामारीका कारण अधिकांश देशहरुले अन्य मुलुकका व्यक्तिलाई आफ्नो देशमा प्रवेशको अनुमति नदिएपछि रोकिएका कामदारहरु वैदेशिकमा जाने क्रम वढेको छ । 

लकडाउन खुकुलो, उडानको व्यवस्था र अन्य मुलुकले स्वास्थ्यका मापदण्ड तोकेपछि त्यसको प्रक्रिया पूरा गरेर बैदेशिक रोजगार्ीमा जानेको भिड अन्तर्राष्ट्रिय विमान स्थलमा वढेको हो । रोजगारीका लागि देश छाड्नेहरुको त्रिभुवन अन्तर्राष्ट्रिय विमानस्थल अहिले भरिएको छ ।  दर्जनौं युवाहरु विदेश उड्नका लागि विमानस्थल प्रवेश गर्न लाम लागेका छन् । 

अधिकांश युवाहरु खाडी मुलुक जान लागेकाहरु हुन् । स्वदेशमै रोजगारीको ग्यारेन्टी नभएपछि देश र परिवार छाड्न बाध्य भएको उनीहरु बताउछन् ।  यसअघि यस्तै भिड टेकु अस्पतालमा खोप लगाएको प्रमाणपत्र लिनेहरुको लागेको थियो ।