काठमाडौँ । 

पछिल्लो २४ घण्टामा नेपालमा थप तीन हजार ९ सय १५ जनामा कोरोना भाइरस सङ्क्रमण पुष्टि भएको छ । ११ हजार ७ सय ८ पीसीआर परीक्षणमा दुई हजार ७सय ६३ र छ हजार ८ सय ७४ एन्टिजेन परीक्षणमा एक हजार १सय ५२ जना गरी कूल तीन हजार ९ सय १५ जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।

योसँगै नेपालमा पीसीआर विधिबाट गरिएको परीक्षणमा कोरोना भाइरस सङ्क्रमितको सङ्ख्या सात लाख २८ हजार ५ सय ३२ पुगेको छ । त्यस्तै एन्टिजेन परीक्षण गर्नेको सङ्ख्या ७४ हजार ३४ रहेको छ ।

 पछिल्लो २४ घण्टाको अवधिमा थप दुई हजार ११८ जना सङ्क्रमणमुक्त भएका छन् । नेपालमा कोरोना सङ्क्रमणबाट थप २७ जनाको मृत्यु भएको मन्त्रालयले जनाएको छ ।