काठमाडौं ।

 राष्ट्रिय परीक्षा बोर्डले २०७७ सालको माध्यमिक शिक्षा परीक्षा (एसईई) को नतिजा सार्वजनिक गरेको छ ।  कोरोना कहरका कारण विद्यालयले गरेको आन्तरिक मूल्याङ्कनलाई आधारमा  बोर्डले प्रमाणित गरी नतिजा प्रकाशित गरिएको हो । 

विद्यालयबाट आएको मूल्यांकनलाई प्रमाणीकरण गरी सार्वजनिक गरिएको परीक्षा नियन्त्रक रुद्र प्रसाद अधिकारीले जनाए । देशभरबाट ५ लाख १७ हजार विद्यार्थीले एसईई दिएका थिए ।


परीक्षा नियन्त्रण कार्यालयले नतिजा बोर्डको वेबसाइट, एसएमएस र आईभीआर मार्फ प्राप्त गर्न सकिने बताएको छ । यस्तै,  नेपाल टेलिकममार्फत १६०० र एनसेलबाट १६०० मा एसएमएस गरेर नतिजा थाहा पाउन सकिने छ ।